АҚШ Өзбекстанға қашып барған Ауғанстан ұшқыштарын алып кететін болды. Бұл жөнінде «Wall Street Journal» басылымы хабарлады.
Басымыл мәліметінше, Джо Байден әкімшілігі ресми Ташкентпен Өзбекстанға қашып барған ауған ұшқыштарын ел аумағынан алып кетуге байланысты келісімге келген. Келісім бойынша, АҚШ ұшқыштарды Катардағы әскери базасына орналастырмақ.
«Wall Street Journal» жариялаған материалда Кабулдағы билікті күшпен басып алған «Талибан» қозғалысының ресми Ташкентке Өзбекстанға қашып барған ауған ұшқыштары мен ұшақтарын қайтаруды талап етіп жатқаны жөнінде айтылған.
Бұған дейін, Өзбекстан билігі АҚШ-тан қашып келген ауған ұшқыштары мәселесін тез арада шешуді сұраған. Ресми Ташкент тәліптермен арадағы қарым-қатынасын шиеленістіргісі келмейді.
АҚШ Өзбекстан ұшқыштарды Ауғанстанға қайтарса тәліптер оларды өлтіруі мүмкін деп қауіптенеді. Себебі Ашраф Ғани билігі кезінде дәл осы ұшқыштар «Талибанға» қарсы соғысқан.
Тамыздың 15-і күні «Талибан» қозғалысы Кабулды соғыссыз алған. Оның алдында ел президенті Ашраф Ғани елден кеткен. Қазіргі уақытта Ауғанстан аумағын толықтай тәліптердің бақылауына өткен.
Фото: media-v.ru
MalimBlocks
