Бүгін, яғни 30-наурызда сағат 11:00 де Серік Күдебаевқа қатысты сот отырысы өтетін болған. Бірақ айыпталушы сотқа келмей қалды.
Осыған байланысты судья Серік Күдебаевты сотқа мәжбүрлі түрде жеткізуге пәрмен берді. Бұл жөнінде қаулы шығарылды.
«ҚР ҚПК 157 және 335 тармақтарына сәйкес Серік Күдебаевты процеске мәжбүрлі түрде жеткізу жөнінде қаулы қабылданды. Келесі сот отырысы 3-сәуір сағат 10:00 ге белгіленді»,- делінген Жетісу облыстық сотының баспасөз қызметінің хабарламасында.
Еске салайық, Талдықорғандағы Жетісу облыстық сотында Серік Күдебаевқа қатысты сот 2023 жылдың 5-қаңтарда басталды.
Бұған дейін Серік Күдебаевтың ауруханаға түскені туралы ақпарат тараған еді.
Айта кетейік, прокурор судьядан Серік Күдебаевқа 9 жыл бас бостандығынан айыру жазасын тағайындауды сұраған болатын.
Алматы облысы полиция департаментінің бұрынғы бастығы Серік Күдебаевтың соты қаңтар айында басталған.
Бұған дейін Алматы облыстық полиция департаментінің бұрынғы басшысы Серік Күдебаев қаңтар оқиғасы бойынша күдікті деп танылған.
Ол 2020 жылдан бастап 2022 жылдың қаңтарына дейін Алматы облысы полиция департаментінің бастығы қызметін атқарған.
2022 жылдың 18 ақпанында ол ішкі істер органдарынан өз еркімен босатылды.
