Бас прокуратура Ильинді, Сүлейменованы, Ұранхаев пен Ахметовты жауапқа тартады
Бас прокурордың орынбасары Жандос Өмірәлиев Абай облысындағы өртке қатысты тергеліп жатқан қылмыстық істер аясында министрлер мен әкімдерден жауап алынатынын мәлімдеді.
Бас прокурордың орынбасарының айтуынша, ведомствоаралық тергеу-жедел тобы құрылды, оның құрамына барлық құқық қорғау органдарының тәжірибелі тергеушілері мен жедел уәкілдері кірген. Қазірдің өзінде топ өрт орнында тергеу жүргізіп жатыр. Бірақ тергеу енді ғана басталғандықтан, шенеуніктердің әрекеті әлі анықталған жоқ.
«Қылмыстық істі тергеп-тексеру шеңберінде өз міндеттеріне, қызметтеріне жауапсыз қарап, өздеріне жүктелген міндеттемелерді орындамау салдарынан орманның өртенуі мен азаматтарымыздың өліміне себеп болған кінәлі лауазымды тұлғалар анықталатын болады», - деді Өмірәлиев.
"Жауап алынатын адамдар арасында өртті сөндіруге жоғарғы басшылар ғана емес, орта буын басшыларының да қатысы бар екенін ескерсек, қазіргі уақытта олар өрт сөндіру жұмыстарымен айналысып жатқандықтан біз оларды мазаламаймыз. Олардан міндетті түрде жауап алынады. Басқа да тергеу әрекеттері жедел-іздестіру сипатында жүргізіліп жатыр", - деп жауап берді Бас прокурордың орынбасары.
Фото: ғаламтордан алынды
