Ресейлік «Аэропорты регионов» холдингі Қазақстан мен Өзбекстаннан әуежай сатып алуды көздеп отыр. Қазір оларды Каспий теңізі жағасындағы Ақтау халықаралық әуежайы қызықтырып отырса керек. Бұл туралы Экономическое обозрение Восточной и Центральной Европы порталы хабарлады.
Қазір Ақтау халықаралық әуежайы түрік инвесторларының қолында. Өздеріңізге белгілі Ақтау қаласы мұнай мен газдың орталығы саналады. Ресейдің тағы бір «Новапорт» холдингі Өзбекстанның Самарқант, Наманған, Үргеніш қалаларындағы әуежайларды сатып алып, қайта жөндеуден өткізуге ниеттеніп отырғандарын айтқан екен.
«Аэропорты регионов» холдингі ресейлік олигарх Виктор Вексельбергке тиесілі «Ренова» компаниялар тобына кіреді.
