Ұлытау облысында Мәдениет басқармасының басшысы 6 жылға сотталды
Ол мердігер ұйым өкілімен сөз байласып, 2 млн теңге көлемінде пара алған.
Жезқазған қалалық соты Ұлытау облысының Мәдениет, тілдерді дамыту және архив ісі басқармасы мен Тарихи-мәдени мұраны сақтау орталығының басшыларына қатысты парақорлық фактісі бойынша үкім шығарды.
«Аталған лауазымды тұлғалар облыс аумағындағы ежелгі қорымдардағы археологиялық қазбалар жөніндегі жұмыстарды мемлекеттік сатып алу шарты бойынша актілерге қол қойғаны және жалпы қамқорлығы үшін мердігер ұйым өкілімен сөз байласып, 2 млн теңге көлемінде пара алған. Сот үкімімен мекеме басшыларына 6 жыл бас бостандығынан айыру жазасы тағайындалды», - делінген Сыбайлас жемқорлыққа қарсы іс-қимыл Агенттігінің хабарламасында.
Сондай-ақ, «Мәдени мұраны зерттеу және сақтау орталығы» ЖШС мердігер компаниясының өкіліне 3,5 жылға бас бостандығынан айыру жазасы тағайындалды.
Сотталғандар өмір бойы мемлекеттік қызметте жұмыс істеу құқығынан айырылады. Үкім заңды күшіне енген жоқ.
Фото: pixabay
Байланысты жаналықтар
MalimBlocks
