Алматыда жол бойындағы шұңқырға кілем төселген кадрлар желіде тарады. Хабарламада «Наурызбай ауданы, Шұғыла ықшамауданы, Айбергенов көшесі. Жергілікті тұрғындар ерекше әдісті қолданып, шұңқырды кілеммен жауып қоюды ұйғарыпты», - деп жазылған.
Бұған жауап ретінде Наурызбай ауданының әкімдігі Айбергенов көшесінде ағымдағы жөндеу жұмыстары жүргізілгенін хабарлады.
«Жол желісін жөндеу аясында Айбергенов көшесінің бойындағы жолды жөндеу жұмыстары жүргізілді. Сонымен қатар, көрсетілген ескертулерді жою шаралары қабылданғанын хабарлаймыз. Сондай-ақ, асфальт төсеу жұмыстары аяқталған", - деп хабарлайды аудан әкімдігі.
