Өзбекстан Ұлттық Университетінің 30 жастағы магистранты Юсуф АБСОАТОВ білім министрінің орынбасары болып тағайындалды. Бұл туралы malim.kz kun.uz сайтына сілтеме жасап хабарлайды.
Бұндай шешімді президент Шавкат МИРЗИЕЕВ жас ғалымдармен болған кездесуде қабылдаған. Шара барысында болашақ вице-министр ақпараттық технологияларға қатысты өз ойын білдіріп, онлайн-оқулықтарды шығаруды және ауылды жерлерде интернетті қолжетімді ету туралы ұсыныс білдірген.
Өзбекстанның екінші президенті билікке келгелі жастарға барынша мүмкіндік беруде. 2017 жылы Сингапур университетінің түлегі, 23 жастағы Әлішер САДУЛЛАЕВ Халық білімі министрінің орынбасары болып тағайындалған.Сондай-ақ, Турин политехникалық университетінің Ташкенттегі филиалының магистранты, жиырма бес жастағы Олимжан ТУЙЧИЕВ ғылым және технология агентігі бас директорының орынбасары болған еді. 2018 жылы президент Туризм комитеті төрағасының орынбасарлығына жиырма үш жастағы студент Саидакбархон АКБАРОВАНЫ лайықты деп тапты.
Фото: 24smi.org
Байланысты жаналықтар
MalimBlocks
