Жемқорлықпен күресті күшейтіп жатыр

Malim Админ

  • 23.04.2020

«Биылғы жыл басынан бері облыста пара алуға, бюджет қаражатын жымқыруға, сондай-ақ, өкілеттігін теріс пайдалануға байланысты 40-тан астам сыбайлас жемқорлық қылмысы анықталды. Лауазымды қызмет атқаратын 15 тұлға қылмыстық жауапкершілікке тартылды. Сыбайлас жемқорлықтың жоғары деңгейі денсаулық сақтау және мемлекеттік сатып алу салаларында байқалады», - деді Қазақстан Республикасы Сыбайлас жемқорлыққа қарсы іс-қимыл агенттігінің Атырау облысы бойынша департаменті басшысының міндетін атқарушы Қанат Қожахметов селекторлық кеңестің отырысында.

Атырау облысының Махамбет Досмұхамбетов селекторлық кеңестің жиналасын өткізді. Облыс әкімі төтенше жағдайға байланысты күшейтілген карантин енгізілгенмен, сыбайлас жемқорлықпен күрес мәселесі күн тәртібінен түспейтінін атап өтті. «Мемлекет басшысы ұлттық қауіпсіздік пен елдің болашағына нұқсан келтіретін сыбайлас жемқорлықпен күреске бір адамдай жұмылуға шақырды. Сондықтан, отандық экономика үшін, қоғамның әр саласы үшін ең қауіпті кесел – сыбайлас жемқорлықтың тамыр жаюына жол бермеуіміз керек», - деді облыс әкімі Махамбет Досмұхамбетов.

Қазақстан Республикасы Сыбайлас жемқорлыққа қарсы іс-қимыл агенттігінің Атырау облысы бойынша департаменті басшысының міндетін атқарушы Қанат Қожахметов Antikor.Live. жобасы аясында сыбайлас жемқорлыққа қарсы контентті онлайн форматта таратып жатқанына тоқталды. Былтыр қарашада сыбайлас жемқорлыққа қарсы заңнамаға түзетулер енгізілген. Соның бірі – бағынышты қызметкерлері арасында сыбайлас жемқорлық фактісі анықталса, басшылық лауазымдағы мемлекеттік қызметшілердің тәртіптік жауапкершілігі мен саяси қызметшілердің қызметінен кету тетігі. «Сыбайлас жемқорлықтың алдын алу, таралу жолдарын кесу, оның өршуіне жол бермеу бағытындағы күресті күшейтуіміз керек», - деді селекторлық кеңесті қорытындылаған облыс әкімі Махамбет Досмұхамбетов.

Махамбет Досмұхамбетов қызметінен айырылмайын десе, күресті күшейтуі керек.

 

Байланысты жаналықтар

Қылмыс жасауда полиция алдына жан салмайды

14.07.2023

Атыраудың да әкімі ауысты

07.04.2022

Жоғары сот судьясы қамауға алынды

10.04.2021

Мәдениет министрі орынбасарының не үшін ұсталғаны айтылды

26.02.2021

Амнистия: Талғат Ермегияев пен жемқорлар түрмеден ерте босап шыға ма?

02.02.2021

Жемқорлық халықтың ақшасын ғана жемейді

10.11.2020
MalimBlocks
Қылмыс жасауда полиция алдына жан салмайды

Қазақстанда 2022 жылы 1,7 мың сыбайлас жемқорлық қылмысы тіркеліп, 725 адам сотталған.

Атыраудың да әкімі ауысты

Атырау облысының әкімі Махамбет Досмұхамбетов қызметінен босатылды. Бұл туралы Ақорда хабарлады.

Жоғары сот судьясы қамауға алынды

Мәдениет министрі орынбасарының не үшін ұсталғаны айтылды

Амнистия: Талғат Ермегияев пен жемқорлар түрмеден ерте босап шыға ма?

Жемқорлық халықтың ақшасын ғана жемейді