ҰҚК-нің бұрынғы төрағасы Нартай Дүтбаев мерзімінен бұрын бостандыққа шықты. Бұл туралы ҚазТАГ ақпарат агенттігінің құпия дерек көзі хабарлады.
Ақмола облысының әскери соты Нартай Дүтбаевты 2017 жылдың тамызында "мемлекеттік құпияны жария етті" және "қызмет бабын асыра пайдаланды" баптары бойынша кінәлі деп тауып, жеті жылға бас бостандығынан айырған. 2018 жылдың ақпанында Нартай Дүтбаевтың үстінен бас қалада тағы бір сот өтіп, "ақша жымқырды және қаржы бопсалады" деген айыппен 12 жылға соттаған. Екі жаза мерзімі біріктіріліп, нәтижесінде Дүтбаев 12 жылға кесілген. Онымен бірге сотталған інісі Рүстембек Дүтбаев пен Орынбасар Қалқабаев сегіз жылға бас бостандығынан айырылған.
2019 жылдың қаңтарында жоғарғы соттың қылмыстық істер жөніндегі кассациялық алқасы Нартай Дүтбаевтың жаза мерзімін 12 жылдан 11 жылға қысқартқан.
Нартай Дүтбаев ҰҚК-ні 2001 жылғы желтоқсаннан 2006 жылғы ақпанның 22-сіне дейін басқарған. Нартай Дүтбаев ҰҚК төрағасы қызметін атқарған уақытта елде екі оппозиция жетекшісі Алтынбек Сәрсенбайұлы мен Заманбек Нұрқаділов қаза тапқан. Ол оппозиция жетекшісі Алтынбек Сәрсенбайұлын қастандықпен өлтіруге ҰҚК-нің "Арыстан" арнайы жасағы қызметкерлерінің қатысы бары анықталғаннан кейін отставкаға кеткен.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
