Белсенді дәрігер: Біртановты жалған намыс құртты

Malim Админ

  • 25.06.2020

Денсаулық сақтау министрі шын мәнінде не себепті отставкаға кетті? Осы сұрақты медицина ғылымдарының кандидаты, балалар невропатологы Қайырғали КӨНЕЕВКЕ қойып көрдік.

– Біртанов өзінің әлеуметтік желідегі парақшасында қызметінен өз еркімен кеткенін айтыпты. Жазбасына қарағанда, ауруы асқынып кеткендіктен, емделуі керек. Елде эпидемиологиялық жағдай өршіп тұрғандықтан, салаға толыққанды жетекшілік ететін адам керек деп қайырыпты. Біртанов шын мәнінде не себепті қызметінен кетті?

[caption id="attachment_3066" align="alignleft" width="300"] Қайырғали Конеев[/caption]

– Әлбетте, Біртанов өз қатесін мойындамайды, бәрін дұрыс жасадым дейді. Денсаулық сақтау министрлігінде Біртанов әкелген вице-министрлер: Ляззат Ақтаева, Людмила Бюрабекова, Олжас Әбішев отырғанда, министрлік саясаты өзгермейді. Сондықтан ең алдымен Біртановтың командасын министрліктен кетіру керек.

Меніңше, Біртановқа қызметтен кет деген. Алексей Цойды осы аптада бірінші вице-министр етіп тағайындағаны тегін емес. Біртанов вирус жұқтырып, 14 маусым күні ауруханаға жатты. Ал 15 маусым күні ол бұйрық шығарып, үш вице-министрді де денсаулық сақтау министрі міндетін уақытша атқарушы қызметіне тағайындады. Министрлікті тап бір ертегідегідей үш басты айдаһар ұқсатып, тізгінді үш адамға ұстатты. Еш уақытта үш вице-министрді  қатарынан министр міндетін атқаруға қоймаған.  Министр міндетін кім уақытша атқаратынын неге үкімет шешпеген? Министр міндетін уақытша атқаруды неге жауапты хатшыға жүктемеген? Сосын, Біртанов неге ауруханада жатып алып, сондай бұйрық шығарады? Бұл – заңбұзушылық қой. Осы уәжді айтып, президент әкімшілігіне хат жаздым. Олар Алексей Цойды бірінші вице-министр етіп жіберді, енді ол денсаулық сақтау министрі болды. Оның ісін енді алдағы уақытта көре жатармыз. бәрін дұрыс істесе, халық қолдайды. Ал қулыққа басып, Біртановтың саясатын жалғастырса, халық қолдамайды.

– Соңғы аптада елде коронавирус індеті өршіді. Ауруханаларда орын жоқ, жұрт коронавирусқа тексеріле алмай жүр. Оны былай қойғанда, Алматы, бас қала мен Алматы облысында емханалар жұмысын уақытша тоқтатты, жоспарлы операциялар кейінге шегерілді. Біртанов министрлік ахуалды бақылаудан шығарып алғандықтан кетпеді ме?

– Министрлік коронавирус инфекциясына қатысты ахуалды толық бақылаудан шығарып алды. Бұған тікелей министр жауапты. Вирус бақылаудан шығып, тарап кетті.

Неге десеңіз, министрлік коронавируспен күреске жете мән бермеді. Оған қарсы эпидемиялық шараларға көңіл бөлінбеді. Санитарлық дәрігерлер, эпидемиологтарды жұмысқа тартпады. Ол дәрігерлер сыртта емес, ел ішінде жүр. неге соларды шақырмады? Бұл министрдің жалған намысы, ал бұдан халық зардап шекті.

 

Байланысты жаналықтар

5 жасқа дейінгі балалар арасында көкжөтел жиіледі

23.03.2024

Қазақстанда қызылша бойынша эпидемиологиялық жағдай тұрақталып келеді

23.03.2024

Экс-министр Біртановтың соты тағы шегерілді

06.01.2023

Kaspi.kz  Денсаулық сақтау және Цифрландыру министрлігі  анықтама алу сервисін іске қосты

27.09.2022

Денсаулық сақтау министрі міндетін атқару Бүркітбаевқа жүктелді

20.12.2021

Алексей Цой қызметінен босатылды 

20.12.2021
MalimBlocks
5 жасқа дейінгі балалар арасында көкжөтел жиіледі

Қазақстанда қызылша бойынша эпидемиологиялық жағдай тұрақталып келеді

Экс-министр Біртановтың соты тағы шегерілді

ZOOM платформасында өткен сот отырысы ұзаққа созылмады

Kaspi.kz  Денсаулық сақтау және Цифрландыру министрлігі  анықтама алу сервисін іске қосты

Kaspi.kz Цифрландыру министрлігімен және Денсаулық сақтау министрлігімен бірлесіп жаңа сервисті іске қосты.

Денсаулық сақтау министрі міндетін атқару Бүркітбаевқа жүктелді

Алексей Цой қызметінен босатылды