Қазақстанда соңғы бір тәулік ішінде COVID-19 бен пневмониядан 43 адам дүние салды. Және 872 адам коронавирус инфекциясын жұқтырған. Бұндай ақпаратты денсаулық сақтау министрлігі таратты.
«Қазіргі уақытта коронавирустық инфекциядан 25 182 адам ем қабылдауды жалғастыруда. Олардың арасында 108 бала бар. Стационарларда 5 021 науқас жатыр. 20 161 адам амбулаториялық жағдайда емделуде. Жалпы науқастардың арасында 121 адамның ахуалы нашар. Соның ішінде 29 науқастың ахуалы аса қатты ауыр деп бағалануда. 38 науқас тыныс алу аппаратына жатқызылған», - делінген ведомстваның баспасөз қызметі таратқан хабарламада.
Ал америкалық Джонс ХОЛКИНС университетінің мәліметінше 9 тамыз күні дүниежүзінде 19,5 миллион адамнан коронавирус анықталса, 700 мыңнан аса адам көз жұмды.
Фото: kadara.ru
