Бұрынғы вице-министр Олжас ӘБІШЕВ 500 миллион теңгені жымқырды деген күдікке ілікті. Бұл туралы қаржы министрлігі қаржы мониторингі комитетінің төрағасы Жанат ЕЛАМАНОВ мәлімдеді.
«Денсаулық сақтау министрінің бұрынғы орынбасары Олжас Әбішев ақпараттық жүйеге орнату үшін бөлінген 500 млн теңгені мақсатсыз жұмсады деген күдікке ілікті. Соттың санциясына орай қамауға алынған. Қазір тергеу амалдары жалғасып жатыр», - деді Жанат Еламанов.
Естеріңізге сала кетейік, Олжас Әбішев 2020 жылдың тамыз айында ұсталған еді. 2018 жылы вице-министр болып тағайындалған. Денсаулық сақтау министрлігінде цифрландыру және ақпараттық қауіпсіздік мәселері бойынша жауапты болған еді.
Тергеушілердің айтуынша, ақпараттық жүйе орнату бойынша жасалмаған жұмыстың актісіне қол қойып, толық төлеп жасаған. Қазіргі күні экс-шенеунік қабылдаған жұмыстың мүлдем істемей тұрғаны анықталған. Осылай ел бюджетіне шығын әкелген. Әбішевке қозғалған қылмыстық іс аясында осы ведомствадағы бюджет қаржысын орынсыз жұмсау фактілері бойынша да тексерулері жүріп жатыр. Қылымыстық-процессуалды заңға сәйкес кейбір ақпараттарды бере алмаймыз», - деді Еламанов мырза.
Фото: toppress.kz
MalimBlocks
