АҚШ вице-президенті Джей Ди Вэнстің мәлімдеуінше, егер Киев пен Мәскеу Ақ үй ұсынған бейбіт жоспарды қабылдамаса, Вашингтон Украина бойынша бейбіт келіссөздерден шығады. Бұл туралы ол 23 сәуірде Үндістанда өткен баспасөз мәслихатында мәлімдеді.
«Біз Ресей мен Украинаға нақты ұсыныс жасадық. Енді олар келісуі керек. Егер келіспесе, АҚШ бұл үдерістен кетуге мәжбүр болады», – деді Вэнс.
Оның айтуынша, бейбіт келісімге келу үшін аумақтық жеңілдіктер қажет. Украина да, Ресей де қазіргі бақылауындағы кейбір территориялардан бас тартуға тиіс. Бұл ретте шекара қазіргі майдан шебіне сәйкес келмеуі мүмкін.
«Екі тарап та қаруын тастап, жағдайды қатырып, шын мәнінде жаңа әрі жақсы Ресей мен Украина құруға кірісуі керек», – деп келтіреді Вэнстің сөзін Bloomberg.
Axios, The Telegraph және CNN хабарлауынша, 17 сәуір күні Парижде украин делегациясына ұсынылған Трамптың құпия бейбіт жоспары Киевтен ауқымды аумақтық жеңілдіктер жасауды көздейді.
Құжатта мынадай шарттар бар:
- Қырымды Ресейдің бөлігі ретінде мойындау;
- Луганск, Донецк, Херсон және Запорожье облыстарының басым бөлігін Мәскеудің бақылауында қалдыру;
- Харьков облысының азғантай бөлігі Украинаның бақылауына қайтарылуы мүмкін;
- Днепр өзенімен украин кемелерінің еркін қозғалысына мүмкіндік беру.
Фото: IMAGO/MediaPunch
