Шетелде ғылыми тағылымдамадан өту тәртібіне өзгерістер енгізіледі
Кешенді тестілеу кестесінде келесі кезеңге өту үшін «психологиялық тест» блогын «жеке сауалнамаға» ауыстыру бөлігінде өзгеріс енгізіледі
«Үміткерлерді іріктеу және ғылыми тағылымдамадан өту қағидаларын бекіту туралы» Ғылым және жоғары білім министрінің бұйрығына өзгерістер енгізіледі.
Құжат жобасы ашық НҚА порталында жарияланды.
Нақтырақ айтқанда, орыс тілінде ғылыми тағылымдамадан өтуге тек орыс тілі мемлекеттік және (немесе) ресми тіл болып табылатын елдерде ғана жол беріледі. Құжаттарды қабылдауды қарау немесе оларды қабылдаудан бас тарту мерзімдері 3 (үш) жұмыс күнінен 2 (екі) жұмыс күніне қысқарады.
Түрік тілін білуді растайтын жаңа сертификат — TYS-пен толықтырылады. Кешенді тестілеу кестесінде келесі кезеңге өту үшін «психологиялық тест» блогын «жеке сауалнамаға» ауыстыру бөлігінде өзгеріс енгізіледі.
Оқытудың орыс тіліне қойылатын талаптарды енгізу құжаттарды қабылдауды және конкурс жеңімпаздарын ғылыми тағылымдамаға орыс тілі тағайындалған елдің ресми тілі болып табылмайтын елдерге жіберуді болдырмауға мүмкіндік береді.
«Ғылыми тағылымдамадан өтуге арналған конкурсқа қатысу үшін құжаттарды қабылдау» мемлекеттік қызметін көрсету кезінде әкімшінің неғұрлым жедел және жылдам шешім қабылдауын қамтамасыз ету үшін құжаттарды қабылдау мерзімі 3 (үш) күннен 2 (екі) күнге қысқартылады.
TYS ALTE аккредиттелген, бұл TOEFL немесе IELTS-пен салыстыруға болатын жоғары сенімділік деңгейін көрсетеді. TYS-ті қосу түрік тілін растау сертификатын алған кезде үміткерлер үшін емтихан түрлерінің кеңейтілген таңдауын қамтамасыз етеді.
Бұйрық жобасы 6 мамырға дейін қоғамдық талқылауға шығарылып отыр.
Фото: EQ. Ерлан Омар
