Қазақстаннан жыл сайын шамамен 16,7 миллиард доллар заңсыз шығарылады – депутат
Бұл Қазақстан үшін бірқатар келеңсіз салдар туғызып жатыр.
Қазақстан елден капиталды заңсыз шығару бойынша 148 елдің ішінде 11-орында тұр. Бұл туралы Сенат депутаты Сұлтанбек Мәкежанов айтты, деп хабарлайды Malim.kz.
Оның сөзіне сенсек, қазіргі уақытта елден заңсыз шығарылған қаржы көлемі орасан зор мөлшерге жеткен.
Дүние жүзіндегі заңсыз қаражаттардың қозғалысын бақылайтын американдық Global Financial Integrity (GFI) халықаралық зерттеу ұйымы "Дамушы елдерден капиталдың заңсыз экспорты" атты жыл сайынғы зерттеуінде Қазақстаннан жыл сайын шамамен 16,7 миллиард доллар заңсыз шығарылатынын көрсетті. Ал еліміз 148 елдің ішінде 11-орында, - деді ол Сенатта өткен дөңгелек үстел барысында.
Мәкежановтың айтуынша, елден тыс капиталды заңсыз шығару Қазақстан үшін бірқатар келеңсіз салдар туғызып жатыр.
Біріншіден, капиталдың көлеңкелі айналымына салық салынбайды, соның нәтижесінде мемлекеттік бюджет толық көлемде толтырылмайды.
Екіншіден, заңдастырылған капиталды жасырудың қажеті жоқ, ол отандық экономиканың өсуін ынталандыра отырып, ел ішінде инвестициялануы мүмкін.
2023 жылдың 10 қазанында Қазақстанның Ұлттық банкі шетелге ақшаны шығару белгілерін анықтады.
2024 жылдың 6 наурызында салық қызметкерлері қазақстандықтарға елден шетел валютасын әкету ережелерін еске салды.
Фото: esquire.kz
MalimBlocks
Мұхтар Әблязовтың сыбайласы Алексей Богданов Қазақстанға өз еркімен қайтарылды
Ол «Metropolitan Manageres Corp» (BVI) оффшорлық компаниясының номиналды өкілі, «Беловод крахмал комбинаты» ЖАҚ Басқарма төрағасы және «Маис Агро» ЖШС маманы ретінде банктің 300 млн теңгеден астам сомаға ақша қаражатын жымқырған.
