Көліктер Қарағанды-Балқаш жолында соқтығысқан, деп хабарлайды Malim.kz.
Бұл туралы «ҚазАвтоЖол» ұлттық операторы мәлімдеді. Күндіз 1630-шы шақырымда 19 көліктің қатысуымен ірі апат болды.
Жол операторының баспасөз қызметі жол-көлік оқиғасының алдын ала себебі - жылдамдық пен қауіпсіз қашықтықты сақтамау деп жазады. Оқиға орнында Төтенше жағдайлар министрлігі мен жедел жәрдем қызметкерлері жұмыс істеп жатыр.
ТЖМ мәліметінше, оқиға бүгін сағат 13.00 шамасында Қарағанды облысы «Екатеринбург – Алматы» автожолында Ақсу-Аюлы ауылынан 20 шақырым жерде ірі жол-көлік апаты болған. Көліктер автожолды қайта жаңарту учаскесінде соғысқан.
Оқиға орнына ТЖМ құтқарушылары, психологтар, ҚР ТЖМ АМО және жедел жәрдем дәрігерлері дереу келді.
Оқиға орнында ТЖМ вахтасы орналасқан, онда ЖКО қатысушыларын жылыту жүзеге асырылады. Жедел жәрдем бригадасы Ақсу-Аюлы ауылындағы аудандық ауруханаға 9 адам жеткізіліп жатыр, деп жазылған ресми мәлімдемеде.
Қазір кептеліс жоқ, қозғалыс арнайы қарсы жолақ бойымен жүзеге асырылады.
Фото: видеодан скрин
