Үндістанда алаяқ студенттерді Қазақстандағы оқу орнына түсіріп беремін деп алдаған
Алданғандар 12 миллион теңге төлеген
Үндістанда ер адам адамдарды Қазақстандағы оқу орнына түсіріп беремін деп алдаған, - деп хабарлайды Malim.kz тілшісі Іndiatimes.com порталына сілтеме жасап.
Үндістанда Гангадхар Хариш есімді ер адам Қазақстанда медицина саласында оқуға орын тауып беремін деп бірнеше адамды сан соқтырған. Ол өзіне жүгінгендерден 2 миллион рупий алған. Теңгеге шаққанда бұл 11-12 миллион теңге.
Бұған дейін жәбірленушілер берген шағымнан кейін полиция оған 10 ай бойы іздеген. Хариш Нью-Дели әуежайында елден қашпақ болған кезінде ұсталды.
Айыпталушы тек Шрикакуламе провинциясында студенттерден шамамен 2 миллион рупий (шамамен 11-12 миллион теңге) жинаған. Полиция оның Визианагарамда, Хайдарабадта, Медакта, Каримнагарда және басқа жерлерде ондаған студенттерді Қазақстандағы медициналық оқу орындарына орналастырамын деп уәде беріп, алдағанын айтты. Оған қатысты Хайратабад полиция бөлімінде бірнеше іс қозғалды. Көпшілік Қазақстанға барғаннан кейін ғана алданғандарын түсінген. Кейін елдеріне Үндістанға оралған соң полицияға шағымданған.
"Ол Шрикакуламедегі Политехникалық колледждің жанында GGN International кеңсесін ашқан. Сосын жеті студенттен барлық оқу ақысын жинап, колледжге тек бірінші оқу жылына ғана төлеген. Ал бір жылдан кейн студенттер оқуын төлеу алмай, үйлеріне қайтуға мәжбүр болған. Ол студенттерге 6 жылдық оқу мен жатақхананы арзан бағада тауып беремін деп алдаған. Салдарынан тек бір жылдық оқуды ғана төлеген", - деді Махесвар Редди.
Колледжден шығарылғаннан кейін студенттер қазақстандық полицияға және Үндістанның осы елдегі елшілігіне хабарлаған. Кейін елдеріне оралғаннан кейін Шрикакуламға шағым түсірген.
Шрикакуламнан келген студенттер Астанадағы Медицина университетіне қабылданған. Бұл Қазақстанда MBBS бағытында 14-ші орында және оқу құнының төмендігіне байланысты таңдаулы оқу орны.
Фото: pixabay.com
