Бишімбаевтың анасы адвокаттарын сынаған заңгердің үстінен арыз жазды

Әйелін өлтірді деп айыпталып жатқан Ұлттық экономика экс-министрі Қуандық Бишімбаевтың анасы қорғаушыларын сынаған адвокаттың үстінен арыз түсірген. Бұл туралы белгілі адвокат Джохар Утебеков өзінің facebook-парақшасында жазды, деп хабарлайды Malim.kz.

Утебеков өзінің үстінен жазылған арыздың мәтінін де жариялаған.

Бишімбаевтың анасы менің үстімнен арыз жазды! Адвокаттарының сұрақтарына сын айтқаным үшін. Ол сұрақтарды бүкіл ел сынап жатыр! Ол сұрақтар заң мен моральдан ада, – делінген жазбада. 

Бишімбаевтың анасы Альмира Нұрлыбекова Утебековтің үстінен өзінің адвокаттарын сынаған жазбалар жарияланғаны және жазбалардың астында жазылған пікірлерді қадағаламағаны үшін шағымданған. Сонымен қатар Утебековті «соттың әрекетін сынады» деп айыптайды. 

Шын мәнінде, «адвокаттарға кедергі келтірді» деген шағым - көзбояушылық. Содан кейін Бишімбаевтар менің үстімнен арыздануының негізгі себебі – «судьяның әрекетін сынады» деген шағымға көшеді. Бишімбаевтар судья Құлбаеваны неге қорғап отыр? Неліктен бұл оларды сонша қызықтырады? – дейді адвокат. 

Айта кетейік, бұған дейін адвокат Анна Чернова да айтқан болатын.

Менің үстімнен шағым келіп түсті. Ол арызда менің тағы екі заңгер әріптесім бар. Бұл жолы менің жазғаным Бишімбаевтың қорғау тарапына ауыр тисе керек. Анасы жазғанымен, артында маған ренжіген басқа біреу тұрған сияқты. Мүмкін, өзінің процессуалдық әлсіздігін сезінетін адам. Олардың атына құрметсіз, қорлау, жеккөру мен қарғыстың бәрі менен емес. Бүкіл ел алдымен Ерғалиевамен масқара сұхбатын көрді, енді оны істің нақты жағдайларымен салыстырады. Біз оларды сол жерде тілінен тартқан жоқпыз, солай ма? Процестің бәрін тікелей эфирден көріп отырмыз,  – деп жазды  Анна Чернова әлеуметтік желіде.

Фото: Жоғарғы сот