Бишімбаевтың сотын тікелей эфирде 47 мыңнан астам адам қараған
Жоғары соттың баспасөз қызметі азаматтық некедегі әйелін өлтірді деп айыпталған бұрынғы Ұлттық экономика министрі Қуандық Бишімбаевқа қатысты сот процесіне қатысты ақпарат берді, деп хабарлайды Malim.kz.
Кеше, 27 наурызда Астана қаласының қылмыстық істер жөніндегі мамандандырылған ауданаралық сотында Қуандық Бишімбаевтың ісі бойынша алқабилерге кандидаттарды іріктейтін жабық сот отырысы өтті. Келесі сот талқылауы сол күні сағат 16:00-де Жоғарғы соттың ресми YouTube арнасында ашық қолжетімді онлайн-трансляция арқылы өтті. Бұл - резонансты іс бойынша өткен алғашқы тікелей эфир екенін атап өткім келеді! Сот отырысында ашықтық, жариялылық және қолжетімділік қағидаттары сақталды. Сот процесінің барысы туралы ақпарат жедел түрде Telegram арнасында және Жоғарғы соттың әлеуметтік желілердегі басқа аккаунттарында жарияланды. Сонымен қатар, алдын ала тиісті нұсқаулықтар, ақпаратты жариялау және БАҚ өкілдерінің сот процесіне қатысу тәртібі берілді, - деді Жоғарғы соттың байланыс бөлімінің жетекшісі Перизат Сәдуақас.
Оқи отырыңыз: Бишімбаев тағылған айыппен тағы да келіспеді
Бишімбаевтің інісі: Қылмыс жасадым ба, білмеймін
Перизат Сәдуақастың мәліметінше, Жоғарғы соттың YouTube арнасындағы тікелей эфирге бір реттік қосылудың ең жоғары көрсеткіші 7 мыңнан астам болса, осы сәттегі жалпы қаралым саны 47 мыңнан асқан.
Фото: Астана қаласы соты
MalimBlocks
