Демалыс күндері Қазақстанда ауа райы қандай болады
Қазақстан бойынша жел күшейеді деп күтілуде, оңтүстікте және оңтүстік-батыста шаңды дауыл болуы мүмкін.
«Қазгидромет» РМК синоптиктері демалыс күндері – 27-29 сәуір аралығында ауа райы қандай болатынын айтты, деп хабарлайды Malim.kz.
Сарапшылар 27 сәуірде елдің көп бөлігінде атмосфералық қысымның жоғарылауы әсерінен жауын-шашынсыз ауа райы күтілетінін атап өтті.
Бірақ 28-29 сәуірде Қазақстанның басым бөлігінде найзағай болып, жаңбыр жауады.
28 сәуірде оңтүстікте, 29 сәуірде солтүстік-батыста, солтүстікте қатты жаңбыр жауады, бұршақ жаууы мүмкін. 29 сәуірде түнде республиканың оңтүстік-шығысындағы таулы аудандарда қар жауады, – деп хабарлады «Қазгидромет» РМК баспасөз қызметі.
Температуралық фонға келетін болсақ, жалпы алғанда, күнделікті температураның біртіндеп көтерілуі күтіледі.
Алайда 27-28 сәуірде түнгі уақытта елдің солтүстік жартысында термометрлердің бағандары -1-8°С белгісіне жетеді, – делінген хабарламада.
Сондай-ақ Қазақстан бойынша жел күшейеді деп күтілуде, оңтүстікте және оңтүстік-батыста шаңды дауыл болуы мүмкін.
Фото: интернеттен
Байланысты жаналықтар
MalimBlocks
