Құлсарыда 2 748 тұрғын үй әлі де су астында
Бүгінде Жылыой ауданында 30 мыңнан аса текше метр су сорылып, су тасқынына қарсы 790 мыңнан аса қап, 200 мың тонна инертетті материал төселген.
Құлсары қаласында 3 мыңға жуық тұрғын үй мен нысанның әлі де су астында, деп хабарлайды Malim.kz.
Бұл туралы Атырау облысы ТЖД ресми өкілі Айсұлу Келдіғалиева мәлімдеді.
Оның айтуынша, бүгінде Жем өзеніндегі судың деңгейі тәулік ішінде 20 см-ге, ал су тасқыны басталғалы бері өзендегі судың деңгейі 136 см-ге төмендеген.
Барлық қызмет күшейтілген режимде жұмыс істеп жатыр. Табиғи апаттың салдарын жоюға 3 мың 66 адам, 229 техника, 17 жүзу құралы, 31 мотопомпа жұмылдырылды. Қазір Құлсарыда 2 748 тұрғын үй мен нысан әлі су астында. Тұрғын үйлерден су сору жұмысы жүргізіліп жатыр, - деді ол ОКҚ-да өткен брифингте.
Оның айтуынша, бүгінде Жылыой ауданында 30 мыңнан аса текше метр су сорылып, су тасқынына қарсы 790 мыңнан аса қап, 200 мың тонна инертетті материал төселген.
Фото: ТЖМ
MalimBlocks
