4700 адам ғана дауыс берген әкім
Алматы облысы Талғар қаласының тұрғындары жаңа әкімді таңдады. Сайлауға дауыс берушілердің 23,77% ғана келген.
Дауыс берушілердің төрттен бірі де жиналмаған сайлауда Amanat партиясының Талғар аудандық филиалының экс-хатшысы, 32 жастағы экономист Бақыт Қуатбекұлы Күрішбеков жеңіске жетті. Ол келген халықтың 47,71% дауысын жинаған. Сайлауға түскен өзге үш кандидат: Бақытжан Рақымұлы Ақботаев 23,63%, Нұрбек Бақытқанұлы Даулетбақов 17,84%, Сапарбек Мұхтарұлы Назарбаев 7,70% дауыс жинады. Келгендердің 3,12% бәріне қарсы болған немесе бланкті бүлдірген.
Айта кетейік, Талғар қаласында дауыс беру құқығы бар 42 мыңға жуық адам тұрса, бұл сайлауға тек 9 900-ден аса адам келген. Оның ішінде 4 700-ге жуық адам жаңа әкімге дауыс берген. Яғни Талғардағы халықтың 10% ғана жаңа әкімді қолдайды.
Байланысты жаналықтар
MalimBlocks
«Аманат» мүшесі әкім сайлауы әділ өтетініне сенбейді
Алдағы айда өтетін аудан әкімдері сайлауы «Аманат» партиясының берекесін кетіретіндей. Неге десеңіз, қазірдің өзінде «Аманат» партиясының мүшелері сайлаудың әділ болмағына күмән келтіріп жатыр. Жалпы, билік партиясының өкілдері бұрын-соңды сайлауға келгенде әділетсіздік көрмейтін.
