«Amanat» партиясының депутаты Үкіметті қатаң сынады

Депутаттар уақытты бұрынғы қалпына келтіруді қолдайды, деп жұма күні Мәжіліс депутаты Ұлыбек Тұмашинов уақытты қайтару жөніндегі бастамашыл топтың ұйымдастыруымен өткен дөңгелек үстелде мәлімдеді. Оның сөзінше, Үкімет бұған қарсы. Бұл туралы Власть сайты жазды.

«Мен Мәжіліс депутаты ретінде әрі бұл мәселені көтерген адам ретінде айтамын. Мәжілістің басым көпшілігі бұл шешімнің қате екенін қолдайды. Біз, «Amanat» партиясының фракциясы, менің бастамаммен отырыс өткіздік. Мұны партияның басым бөлігі қолдады», – деді Тұмашинов.

Ол депутаттар Үкіметтің сағат белдеуіне жүргізілген зерттеуді үш жылда аяқтауға қарсылығын білдіріп, үш айға дейін қысқартуды ұсынғандарын қосты. Тұмашинов Қазақстан Президенті Қасым-Жомарт Тоқаевтың «Ана тілі» газетіне берген сұхбатында зерттеу 1 наурызға дейін аяқталуы тиіс екенін айтқанын еске салды.

«Үкімет қарсы болып отыр. Бұны жақсы білесіздер. Сауда және интеграция министрі Шаққалиев пен вице-премьер Жұманғаринмен жеке кездесулерде мен бұл мәселелерді әрдайым көтердім, бірақ мен олардың құтылуға тырысатынын, қаламайтынын сеземін, бұл шындықты айту керек. Немесе оларда қандай да бір амбиция бар, мен оларды түсінбеймін. Біз бұл шешімнің  халыққа зиян келтіретінін бәріміз білеміз», – деп қосты Тұмашинов.

Оның пікірінше, үкімет бұл мәселені кейінге қалдыруды қалайды.

«Мен осы мәселеге қатысты бірнеше рет Мәжіліс спикері Ерлан Қошановқа барғанымда, ол бізді толық қолдайтынын айтты. Мүмкін, мұны айтуға болмайтын шығар, бірақ ол осы мәселе бойынша Президентке барған, сондықтан бәрі қозғала бастады. <...> Үш жыл ішінде егер осылай жұмыс істесе, бұл Үкімет бола ма, болмай ма, ешкім білмейді. Экономиканы басқаруды білмей, халықтың өмірін қиындатуда. Бізге мұндай Үкімет керек пе?» –деп атап өтті Тұмашинов.

Мәжіліс депутатының айтуынша, енді депутаттар сағат белдеуі туралы заңды Үкімет емес, заң шығарушы орган бекітуі керек деп өзгеріс енгізуді ұсынуда. Оның пікірінше, Қазақстанда кем дегенде екі сағат белдеуі болуы тиіс.

«Бүгін бір Үкімет осылай істейді, ертең екінші Үкімет... Олар халықты қорқыту үшін осылай ете ме?! Бізде проблема жоқ па? Бүгінгі таңда экономикамыздың үштен бірі қамтамасыз етілмеген. Олар экономикамен айналыссын. Мұнда экономиканың мәселесі жоқ – бұл, бірінші кезекте, халықтың денсаулығы», – деп мәлімдеді ол.

Фото: Бейімбет Молдағали