Асхат Оралов Мәдениет және спорт министрлігін басқарады
Оралов бұған дейін 10 ай Amanat партиясының Атқарушы хатшысы болған.
Дәурен Абаев басқарған Мәдениет және спорт министрлігіне Асхат Оралов келді. Президент Жарлығымен Асхат Оралов Мәдениет және спорт министрі лауазымына тағайындалды. Оралов бұған дейін 10 ай Amanat партиясының Атқарушы хатшысы болған.
Ол 1990 жылы Павлодар облысында дүниеге келген. Гумилев атындағы Еуразия Ұлттық университеті, РФ СІМ Мәскеу мемлекеттік халықаралық қатынастар университетін тәмамдаған.
Еңбек өтілі:
Әр жылдары Гумилев атындағы Еуразия Ұлттық университетінің әлеуметтік-тәрбие жұмысы департаментінің жастар ұйымдарымен жұмыс бөлімінің бас маманы, протокол бөлімінің аға маманы болып жұмыс істеген.
2014-2016 ж.ж. – «Нұр Отан» партиясының «Нұр» филиалы төрағасының бірінші орынбасары.
2016-2017 ж.ж. – Астана қаласының «Жастар саясаты мәселелері басқармасы» ММ басшысының м.а.
2017-2018 ж.ж. – «Астана қаласының Жастар саясаты мәселелері басқармасының» ММ басшысы.
2018 жылдың қаңтар-тамыз айлары аралығында ҚР Дін істері және азаматтық қоғам министрлігінің жастар саясаты департаментінің директоры.
2018-2019 ж.ж. – ҚР Қоғамдық даму министрлігі Жастар және отбасы істері комитеті төрағасының орынбасары.
2019-2020 ж.ж. – Павлодар облысы әкімінің орынбасары.
2020-2021 ж.ж. – ҚР Ақпарат және қоғамдық даму министрлігінің вице-министрі.
2021-2022 ж.ж.– Астана қаласы әкімінің орынбасары.
Байланысты жаналықтар
MalimBlocks
