Экс-Қорғаныс министрі Бектанов тұтқыннан босатылмайды
7 жылдан 15 жылға дейін бас бостандығынан айырылады
Экс-Қорғаныс министрі Мұрат Бектановты тұтқында ұстау мерзімі ұзартылды . Алматы қалалық соты осындай мәлімдеме жасады.
«Қазақстанның бұрынғы Қорғаныс министрі Мұрат Бектанов 20 маусымға дейін тұтқында болады. Қамауда ұстау мерзімі Алматы қаласының ауданаралық тергеу сотының шешімімен тағы бір айға ұзартылды. Тұтқында ұстау мерзімін ұзарту туралы шешім 13 мамырда қабылданған болатын», - дейді соттың баспасөз қызметі.
Естеріңізге сала кетсек, 9 қаңтар күні Мұрат Бектанов ҚР Қорғаныс министрі лауазымынан босатылған. Президент Тоқаев министрдің командирлік қабілет көрсете алмағанын сынға алған еді.
2022 жылғы 19 ақпанда ҚР Бас прокуратурасы бұрынғы Қорғаныс министрі Мұрат Кәрібайұлы Бектановқа қатысты Қазақстан Республикасы Қылмыстық кодексінің 452-бабы әрекетсіздік фактісі бойынша сотқа дейінгі тергеп-тексеруді бастаған болатын.
Осы бапқа сәйкес, әскери жағдайда билікті асыра пайдаланғаны үшін мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айырылып, 7 жылдан 15 жылға дейін бас бостандығынан айыру жазасы тағайындалады.
Байланысты жаналықтар
MalimBlocks
