Мәскеудегі теракті салдарынан қаза тапқандар саны 143 адамға жетті
Ресей Төтенше жағдайлар министрлігі «Крокус Сити Холлға» жасалған шабуылда және одан кейін қаза тапқандардың тізімін жаңартты. 27-наурыз түнде таратылған мәліметке сәйкес, қаза тапқандар саны 143 адам болған.
Бұл туралы BBC агенттігі хабарлады.
Бұған дейін 140 адам қаза тауып, 360 адам зардап шеккені белгілі болған.
Еске салайық, 22 наурызда Ресейдің Федералды қауіпсіздік қызметі Мәскеу түбіндегі Красногорск қаласындағы "Крокус Сити Холл" ғимаратында атыс пен өрт болғанын хабарлады. Бұл оқиғадан кейін Ресей Тергеу комитеті терактіге қатысты қылмыстық іс қозғады.
Ресей Федеральды қауіпсіздік қызметінің басшысы Александр Бортников терактіге байланысты 11 адамның ұсталғанын айтқан. Олардың арасында лаңкестікке тікелей қатысы бар төрт Тәжікстан азаматы бар.
Мәскеудің Басман аудандық соты теракт жасады деген күдікпен Далерджон Мирзоев, Саидакрам Рачабализода, Фаридун Шамсиддин және Мухаммадсобир Файзов есімді төрт адамды 22-мамырға дейін тұтқындау туралы шешім шығарды.
фото: интернеттен
MalimBlocks
