Депутаттар құмар ойынға тәуелділікпен күресетін заң жобасын қарауға алды
Мәжілістің жалпы отырысында депутат Асхат Аймағамбетов ойынға тәуелділікпен күресу тетіктеріне тоқталды.
«Заң жобасы борышкерлердің бірыңғай тізіміне енгізілген жеке тұлғалардың ойын ойнауына, интернет-ресурстарда букмекерлік кеңселер мен букмекерлік дүкендердің жарнамасына және шетелдіктердің интернет-ресурстарына тыйым салуды көздейді. Сондай-ақ, лицензиясы жоқ букмекерлік кеңселерді ұйымдастырушыларға 300-ден 1 мың АЕК-ке көлеміне дейін (1,1-ден 3,6 млн теңгеге дейін) айыппұл түріндегі жауапкершілікті енгізу қаралып отыр», - деді депутат.
Аймағамбетов заң жобасын қабылдау ойын бизнесін ұйымдастырушылардың қызметін бақылауға әсер ететінін айтты.
Бұған дейін Қазақстанда құмар ойындары мен нашақорлықпен күресу мақсатында несие беру шарттарына өзгерістер әзірленіп жатқаны хабарланған болатын.
Байланысты жаналықтар
MalimBlocks
