Экс-президент Нұрсұлтан Назарбаевтың күйеу баласы Тимур Құлыбаев мұнай компаниясындағы үлесін мемлекетке қайтаратын болды. Бұл туралы «Reuters» ақпарат агенттігі хабарлады.
Агенттік таратқан ақпаратта Тимур Құлыбаевтың Petrosun ЖШС мұнай компаниясындағы 49% үлесін мемлекет иелігіне қайтаратыны айтылған.
Petrosun ЖШС-ның 51% акциясы Қытайдың SNPS компаниясына тиесілі. Қазіргі уақытта Қазақстанның жанар-жағармай көтерме сауда нарығының тең жартысы осы компания үлесінде.
Айта кетейік, осыдан біраз уақыт бұрын экс-президент Нұрсұлтан Назарбаевтың немере інісі Қайрат Сатыбалды өз иелігіндегі «Қазақтелеком» компаниясының 29% пайыз акциясын мемлекетке қайтарған еді. Ол наурыз айында «Қазақтелеком» қаржысын жымқырды және қызметтік өкілеттігін асыра пайдаланды» деген айыппен қамауға алынған.
MalimBlocks
