Сыбайлас жемқорлық. "Самұрық-Қазына" мәлімдеме жариялады   

"Самұрық-Қазына" Сыбайлас жемқорлыққа қарсы іс-қимыл агенттігімен қалай жұмыс істеп жатқанын мәлімдеді.  
Хабарламада "Көздеген ортақ мүддеміз бір. Қор өз жұмысында парақорлық пен сыбайлас жемқорлықтың кез келген көрінісіне ашықтық пен мүлдем төзбеушілік қағидаттарын енгізіп жатыр", - делінген.    
Айта кетейік, Президент Қасым-Жомарт Тоқаев  Қорды реформалау бағдарламасын қабылдап, оның басты тармақтарының бірі сыбайлас жемқорлықпен күрес және заңнаманы сақтауды тапсырған болатын.
Қордың бүкіл компаниялар тобында сыбайлас жемқорлықпен күресу бойынша жұмыс жүргізіліп жатыр.
Еске салайық, кеше ҚР Сыбайлас жемқорлыққа қарсы іс-қимыл агенттігі "Самұрық-Қазына" АҚ, "Самұрық Энерго" және "Қазақстан темір жолы" компанияларының кейбір басшыларына қатысты тергеу жүріп жатқаны туралы ақпарат жариялаған.