103 долларға баспана: Астанада 45 адам қаржы пирамидасына алданған
Жалпы залал сомасы - 107 млн теңгеден астам.
Астанада «Best Road Investment» қаржы пирамидасының басшылары мен менеджері сотталды, деп хабарлайды Астана қаласының прокуратурасы.
«Қаржы пирамиданың шартына сәйкес, «Shanyrak Plus» бағдарламасы бойынша тұрғын үй алу үшін 103 АҚШ долларын салу керек. Одан кейін артынан екі салымшыны тартып, әрқайсысы өсу тәртібімен тағы екі салымшы шақыруы тиіс болған», - делінген хабарламада.
Мәліметке сәйкес, компания 2020 жылдың қазанынан бастап 2021 жылдың 31 желтоқсанына дейін «Shanyrak Plus» бағдарламасы бойынша 45 салымшының ешқайсысы қажетті табысын, сондай-ақ тұрғын үй алмаған. Жалпы залал сомасы - 107 млн теңгеден астам.
Сот үкімімен ұйымдастырушылардың әрқайсысы 6 жылға, сыбайласы 5 жыл 6 айға бас бостандығынан айыру жазасына кесілді. Сондай-ақ, 7 жылға дейін коммерциялық және коммерциялық емес ұйымдарда басшылық қызметті атқару құқығынан айырылды.
Келтірілген шығын сотталғандардан өндірілді.
Фото: pixabay
MalimBlocks
