Алматы әуежайында "бомба" бар деген күдікпен адамдар эвакуацияланды
Алматы қаласы полиция департментінің хабарлауынша, қала бойынша 7 аумақта "бомба" бар деген хабарламадан кейін адамдар эвакуациялана бастаған.
"Бомба" қойылды деген ғимараттар қатарында Алматы халықаралық әуежайы, 3 банк пен 2 сауда орталығы және 1 жоғарғы оқу орны бар.
"Алматы халықаралық әуежайы терминал аумағына "бомба" қойылды деген ақпарат келіп түскенін растайды. Қауіпсіздік шарасына сай қызметкерлер мен жолаушылар ғимараттан эвакуацияланды", - деп хабарлады әуежай баспасөз қызметінен.
Полиция банктердегі, сауда орталықтарындағы және жоғарғы оқу орнындағы жағдай бірқалыпты екенін, хабарламалар жалған болғанын айтты.
Алматыдан бөлек Нұр-Сұлтан мен Қарағанды қалаларында да жарылғыш зат қойылды деген хабарлама тараған.
Елордада екі автосалон мен екі сауда орталығының электронды поштасына "бомба" бар деген хабарлама келіп түскен. Қарағандыда таңғы тоғызда 102ге таңғы 9да хабарласқан адам "Автомобиль тіркеуге арналған халыққа қызмет көрсету орталығы аумағында жарылғыш зат бар" деген. Қазір аумақтан адамдар эвакуацияланып, тексеру жұмыстары жүргізіліп жатыр.
Байланысты жаналықтар
MalimBlocks
