Қызылорда облысында ұйымдасқан қылмыстық топ мүшелері қолға түсті. Оларға бірнеше айып тағылып отыр. Атап айтқанда, кәсіпкерлерден, қарапайым азаматтардан қорқытып ақша, мүлік тартып алу және есірткінің заңсыз айналымына байланысты қылмыс жасау бойынша.
Ұлттық қауіпсіздік комитетінің Қызылорда облысы және Байқоңыр қаласы бойынша департаменті арнайы жедел іздестіру шараларын жүргізген.
Қызылорда облыстық прокуратурасының мәліметінше, «Ұйымдасқан қылмыстық топтың 12 мүшесі ұсталды. Топ мүшелері сот санкциясымен екі айға қамауға алынды. Тергеу жүріп жатыр. Өзге мәліметтер тергеу мүддесіне байланысты ҚР Қылмыстық-процестік кодексі 201-бабының талабына сәйкес жария етілмейді».
Еске сала кетейік, бұдан бұрын Қызылордада үш күнде табиғат қорғау заңнамасын бұзған 19 дерек анықталған еді.
MalimBlocks
