Жер сілкінсе бізге енді кім хабар береді – Бил Гейтс пе, әлде Илон Маск па - депутат 

Жер сілкінісі кезінде алматылықтарға меморгандардан немесе ұлттық операторлардан емес, әлем сервисі Google андройдтар арқылы хабар берілген.

– Мұндай қиын жағдайда хабарландыруды алдын ала кім беруі керек деген сұрақ туындайды. Бил Гейтс пе, әлде Илон Маск па? Біздің хабарландыру жүйесі неге істемей қалды?,-деді Сергей Понамарев

Бұл сұраққа жауап берген цифрландыру және ақпараттандыру саласының инвестициялық ахуалын арттыру мәселелері бойынша заң жобасын қорғаған Екатерина Смышляева жер сілкінісі болған кезде дабыл белгісі уақтылы қосылмай қалғанын растады.

– Қазір бұған кім кінәлі екені зерттеліп, анықталып жатыр. Менің ойымша, түпкі дереккөз уақтылы ақпаратты бермеген. Бәлкім, дабыл жүйесі іске қосылмай қалған шығар!? Қазіргі қолданыстағы заңда қысқа хабарландырулар бойынша байланыс операторларының міндеттемесі бар. Қысқа хабарламалар ешқандай мерзіммен шектелмеген. Ол күні бойы кез келген уақытта жіберілуі мүмкін. Сол себепті біз бұл бағытта “шұғыл хабарландырулар” түсінігін енгізуді көздейміз. Яғни, төтенше жағдайлар кезінде хабарландырулар қысқа әрі шұғыл берілуі тиіс, – деді Смышляева.

Ол жалпыға ақпарат тарата алатын технологиялар барын, қазіргі таңда олар өндірісті эксплауатацияға енгізілмегенін айтты. Депутат бұл мәселені бюджет комиссиясы шеңберінде шешуді ұсынады.