Қазақстандық мәнерлеп сырғанаушы, 2019 жылғы әлемнің вице-чемпионы Элизабет Тұрсынбаева спорттағы карьерасын аяқтағанын мәлімдеді.
Бұл туралы 21 жастағы спортшы Instagram-парақшасында жазды.
"Құрметті жанкүйерлер, кәсіпқой спортшы ретінде карьерамды аяқтамақпын. Бұл жаңалықты бөлісу қиын болып отыр...
Көп адам арқам көптен бері мазалап жүргенін біледі. Амал не, мен бұл жарақатты соңына дейін жеңе алмадым, сондықтан толыққанды жаттығу мүмкін болмай қалды.
Мен үшін өмірімде бұл тараудың аяқталуы жаңасы басталғанын білдіреді. Мен қазір Қазақстандамын және жыл соңына дейін осында жұмыс істеймін, балаларға көмектесемін, шабыттандырамын және олармен өз тәжірибемді бөлісемін. Мен әрқашан өз елімде мәнерлеп сырғанауды дамытқым келген, ақыры осындай мүмкіндікке ие болдым", - деп жазды.
Сонымен қатар, спортшы ата-анасына, бапкерлеріне алғыс білдірді.
Лиза Әлем чемпионатының күміс жүлдегері (2019), Қазақстанның үш дүркін чемпионы (2014, 2015, 2016), Жасөспірімдер Қысқы Олимпиядасының қола жүлдегері (2016).
MalimBlocks
