Қызылорда қалалық №2 соты өңірдің экс-әкімі Қуанышбек ЫСҚАҚОВҚА қатысты үкім шығарды. Шенеунік жеті жылға бас бостандығынан айрылды. Сондай-ақ, енді ол мемлекеттік қызметте және квазимемлекеттік, ұлттық компанияларда жұмыс жасай алмайды. Бұл туралы Malim.kz сайты хабарлайды.
Прокурор Ысқақовты сегіз жылға бас бостандығынан айыру керектігін сұраған еді. Қызылорда облысының бұрынғы әкімі ұсталды деген хабар 2020 жылдың 27 наурыз айында әлеуметтік желіде тараған болатын. Келесі күні жемқорлықпен күрес іс-қимыл агенттігі күдіктінің үйқамақта екенін хабарлаған.
Әкім қылмыстық кодекстің 190 бабының («Алаяқтық») 4 бөлігі 2-тармағы бойынша («аса ірі мөлшерде жасалған алаяқтық») күдікке ілінген. Тергеу кезінде Арыстағы жарылысқа байланысты бөлінген 80 миллион теңгені жымқырғаны анықталған. Бұл қыруар қаражат "Сыр мейірімі" қоғамдық қорынан бірнеше құрылыс компанияларына аударылыпты. Осылайша Арыс халқына жиналған қаражат әкімнің қалтасына түспек болыпты.
Фото ғаламтордан алынды.
MalimBlocks
