Атырау облысында соңғы тәулік ішінде 149 адам коронавирус инфекциясын жұқтырған. Бұл туралы Malim.kz денсаулық сақтау басқармасының баспасөз қызметіне сілтеме жасап хабарлайды.
Санитариялық-эпидемиологиялық бақылау департаментінің мәліметінше төрт адам Атырау қаласынанан. 144 адам Теңіз кен орнынан болса, бір адам Жылыой ауданында ауырып қалған.
Коронавирусқа шалдыққандардың 25-де инфекцияның белгілері бар. Соңғы тәулікте өңірде 43 адам жазылып шыққан. Үйлерінде ем алып жатқандардың саны 290 адам болса, облыстық инфекциялық стационарда 91 адам дәрігерлердің қарауында. Аудандық инфекциялық стационарда – 38, Теңіз кен орнындағы инфекциялық стационарда 778 жұмысшы ем-дом алып жатыр.
Фото: progorodsamara.ru
