Ресейде оппозициялық саясаткер Алексей НАВАЛЬНЫЙДЫ қолдау акциясы ондаған қалаларда жүріп жатыр. Алайда полиция бейбіт митингіге шыққандарға күш қолданды. Бұл туралы Мalim.kz ГОРДОН интернет басылымына сілтеме жасап хабарлайды.
Бейбіт митингі Мәскеу, Санкт-Петербург, Краснаярск, Хабаровск, Омбы, Томбы, Екатеринбург және т.б қалаларда өтіп жатыр. Тіпті -50 градус суықта Якутск қаласының тұрғындары да көшеге шыққан. Полиция көшеге шыққандарды ұстап автозакқа қамап жатыр. Арнайы полиция жасағы Хабаровск қаласында алаңға шыққандарды соққыға жығыпты. Мәскеуде жәй көшеде өтіп бара жатқанда адамдарды да ұстап жатыр. Ресей Федерациясы бойынша ұсталғандардың саны 200- ден асып кеткен. Тіпті Мәскеуге әскери техникаларда тартылуда.
Бейбіт митингіге шыққандардың талабы бір. Олар Алексей Навальныйды босатуды қалайды. Ресей президенті Владимир ПУТИННІҢ оппоненті Алексей Навальный 17 қаңтарда Мәскеу әуежайында ұсталды. «Новичок» уымен уланып өлім ауызынан қалған оппозициялық саясаткер Германияда емделген еді. Сондай-ақ youtube-та Навальныйдың «Дворец для Путина» деген зерттеу видео материалы жарияланды. Оны қазіргі уақытқа дейін 67 млн жуық адам көріп тастады. Навальный президент Путиннің хан сарайы мен асқан байлығы және жемқорлық іс-әрекетін әшкерелейді.
MalimBlocks
