Бельгияда қайтыс болған қазақ байы несімен есте қалды?

Есдәулет Қызырбекұлы

  • 03.02.2021

Қазақстандық олигарх Алиджан Ибрагимов Бельгияда қайтыс болды. Болжам бойынша, ол коронавирустан көз жұмған. Қазақстанның ең бай адамдарының бірі кім еді? Ол несімен ел есінде қалды?

Алиджан Ибрагимов дегенде ел есіне бірінші кезекте «Eurasian National Resources Corporation» компаниясы түседі. Ибрагимов 1992 жылдан бастап осы күнге дейін (өзге олигархтар Александр Машкевич және Патох Шодиевпен бірге) аталмыш компанияның акционерлерінің бірі болған. Бұдан бөлек, Ибрагимовтың иелігінде Еуразия қаржы компаниясының 33%, Еуразия өнеркәсіп компаниясының 33%, Еуразия өндіріс компаниясының 33% акциялары мен  Боралдай әуежай ЖШС, Альтаир Эйр ЖШС, Жайлау гольф клубтары бар. Форбс Қазақстанның 2020 жылғы есебі бойынша Ибрагимовтың байлығы 900 миллион долларды құраған.

Алиджан Ибрагимов ел есінде өзінің ұшан теңіз байлығымен ғана емес, экс-президент Нұрсұлтан Назарбаевтың отбасына жақындығымен және түрлі даулы істерде аты аталуымен де қалды. Мысалы, 2014 жылы «тікұшақ қазақгейті» деп аталған Қазақстан мен Франция арасындағы дауда дәл осы Машкевич, Шодиев және Ибрагимов үштігінің аты аталған. 2010 жылы тікұшақ келісіміне аталмыш үштік себепкер болған. Осы уақытта Бельгияда оларға қарсы қылмыстық іс жүріп жатқан. Тергеу бойынша, сол кездегі Франция басшысы Саркози келісім аясында Қазақстанның сол уақыттағы президенті Нұрсұлтан Назарбаевтың үш олигархты Бельгиядағы қылмыстық айыптаудан босату туралы өтінішіне келіскен. Кейіннен Назарбаев өзінің бұл іске қатысы жоқ екенін айтқан. 2018 жылы Түркияның Нurriyet Daily Newsсайты Нұрсұлтан Назарбаевтың Бодрумда демалып жатқанын және Алиджан Ибрагимовқа тиесілі яхтада болғанын жазған.

 

 

Қырғызстандық Kaktus.Media басылымының мәліметінше, Тоқмақта Алиджан Ибрагимовтың жерлеу рәсіміне дайындық басталған. Болжам бойынша, Ибрагимовтың денесін Тоқмаққа ақпанның 4-і күні әкеледі.

Алиджан Ибрагимов 1953 жылы Өзбекстанның Ферғана облысында дүниеге келген. Бірақ бала кезінен Тоқмақта тұрған және қызмет жолын осы жерде бастаған. Олигархты Қырғызстанда «Тоқмақ Графы» деп атайды.

Байланысты жаналықтар

Қазақстанның 5 өңірінде көлік қозғалысы шектелді

29.03.2024

ТЖМ елімізде су басқан елді мекендерден 412 адам эвакуацияланғанын мәлімдеді

27.03.2024

Коммуналдық қызмет бағасы өсті

27.03.2024

Қазақстанда қай қала тұрғындары жиі ажырасады?

26.03.2024

Қазақстан қиын-қыстау кезеңде Ресеймен бірге  - Тоқаев

26.03.2024

Қазақстанда қызылша бойынша эпидемиологиялық жағдай тұрақталып келеді

23.03.2024
MalimBlocks
Қазақстанның 5 өңірінде көлік қозғалысы шектелді

Қар көшкіні мен су тасқыны қаупіне байланысты еліміздегі бірқатар жолда көлік қозғалысына шектеу қойылды, деп хабарлайды Malim.kz.

ТЖМ елімізде су басқан елді мекендерден 412 адам эвакуацияланғанын мәлімдеді

Ақтөбе, Атырау облыстарындағы 46 аула аумағынан су сору жұмыстары жүргізіліп жатыр, деп хабарлайды Malim.kz.

Коммуналдық қызмет бағасы өсті

2024 жылғы ақпан айының соңында Қазақстанда ақылы қызметтер жылына 12,8%-ға қымбаттаған, деп хабарлайды Malim.kz.

Қазақстанда қай қала тұрғындары жиі ажырасады?

Алматы бірінші орында: 2023 жылы – 2,3 мың жұп ажырасқан.

Қазақстан қиын-қыстау кезеңде Ресеймен бірге  - Тоқаев

Кездесу барысында сауда-экономикалық ықпалдастық мәселелері қарастырылған.

Қазақстанда қызылша бойынша эпидемиологиялық жағдай тұрақталып келеді