Шымкенттің алдағы 2021-2023 жылдарға арналған бюджетінің негізгісі үш саланы бағыттауға жұмсалады. Олар: шеткі шағын аудандардың инженерлік-инфрақұрылымын салуға, халықты тұрғын үймен қамтуға және денсаулық сақтау саласының материалдық базасын нығайту бағыттары.
Бұл туралы Шымкент қаласының әкімі Мұрат Әйтенов қалалық мәслихаттың кезекті үшінші сессиясында айтты. Оның айтуынша, барлық сала бойынша білікті мамандар тарту және арнайы құрал-жабдықтар әкелу өте маңызды. Қала әкімі әсіресе мәдениет саласын дамытудың маңызды екеніне тоқталды. Ал, жалпы мәслихат отырысында депутаттардың ұсыныстары ортаға тасталған. Онда кейбір салаларға бөлінетін қаржы мен шығатын шығынның қала экономикасына кері ісер ететіні, сондықтан оларға кететін қаржыны инфрақұрылымға бөлу қажеттігі айтылған. Бұл мәселе мәдениет саласына да қатысты қозғалды. Мұрат Әйтенов:
«Шымкент – еліміздің үшінші мегаполисі болғандықтан мәдениет саласын республика деңгейіне көтеруіміз қажет. Бұл салаға сол деңгейдегі мамандарды тарта отырып дамыта аламыз. Жергілікті мамандардың біліктілігі мен кәсібилігіне сенімсіздік танытпаймын. Дегенмен еліміздің мәдениет саласының дамуына үлесін қосып жүрген тәжірибелі азаматтардың көмегіне жүгінуге болады. Мәдениет дегеніміз бірден көтерілмейді, оны көтеруге 10-20 жыл уақыт керек. Ал, инфрақұрылым мәселесін 1-3 жылда шешуге болады», - деді.
Айта кету керек, сессия отырысында 2021-2023 жылдарға арналған қала бюджеті 448 млрд. теңге болып белгіленді.
Байланысты жаналықтар
MalimBlocks
