Бұрыннан белгілі, қазақ үшін бақ пен берекенің, барша жақсылықтың шарапатшыс болып саналалатын Қызыр пайғамбардың тарихи мұнарасы Шымкент қаласында. Мұса пайғамбардың серігі саналатын Қызыр Пайғамбардың бұл мұнарасы XVIII-XIX ғасырларға тән. Сайрам тұрғын алабында орналасқан бұл нысан - туристік, мәдени, ерекше нысандардың қатарына енгізілген.
Бұл мұнараның бір ерекшелігі - әлемге әйгілі Пизан мұнарасы секілді 15’С-қа оңға қарай қисайған. Жер ілкінісі салдарынан болған бұл жағдай мұнараның құнын арттырмаса кемітпейді. Және бір айта кетерлігі нысанның биіктігі 10,5 метрден жер сілкінісінің нәтижесінде 5,7 метрге түскен.
Шымкентті туристік орталыққа айналдыру үшін мұндай ерекше нысандарды күтіп-баптауды, құрылыс жұмыстарын жүргізіп отыру қажет. Қаланың туризм орталығы меценаттардың көмегімен жаңа жобаны қолға алып жатыр. Бұл жөнінде қала әкімінің орынбасары Мақсұт Исахов айтты.
«Жобаға алғаш болып қаламыздың тұрғыны, меценат Мырзатаев Бауыржан мырза демеушілік көрсетіп, тарихи мұнараның аумағын абаттандыруға қолғабыс жасап, жөндеу жұмыстарын жүргізуде. Аяқталған соң, тағы бөлісе жатармыз. Қалаға деген қамқорлықпен осылай өзімізге және туристерімізге жайлы қала жасайтынымыз анық» дейді ол әлеуметтік желіде.
Мұндай шаруалар жалпыұлттық бірлікті, елдегі ұлттық құндылықтарды насихаттау үшін атқарылып жатқаны анық.
