Finprom сайтының мәліметінше, 2020 жылдың 4 кварталында табысы күнкөріс шегінен төмен отбасылар саны 12 пайызға өсіп, 140,6 мыңды құраған. Бұл отбасыларда 858,5 мың адам тұрады. 2020 жылы төмен табыстағы отбасылар саны 125, 5 мың болған.
Кедей отбасылардың 4,6 мыңының (бір жылда 49,5% өскен) табысы тіпті азық-түлік себетінің құнына да жетпейді. Бұл отбасыларда шамемен 28 мың (84, 2% өскен) адам тұрады.
Табысы ең төменгі күнкөріс деңгейінен аз отбасылардың 19,9% - ы (27,9 мыңы) Түркістан облысында тұрады. Оңтүстік өңірде кедейлік шегінен төмен тұратын халықтың үлес салмағы -10,3%. Ел бойынша орташа көрсеткіш 4,6% (бір жыл бұрын — 3,8%) болған. Түркістан облысынан кейін соңғы бір жылда Алматы (15,5 мың) және Шығыс Қазақстан облыстарында (11,6 мың) кедей отбасылар саны өскен.
Табысы күнкөріс деңгейінен төмен отбасылардың басым көпшілігі көпбалалы шаңырақтар. Атап айтқанда, табысы төмен 768, 9 мың адам 5 немесе одан да көп мүшесі бар отбасылардан. Қалған 53,3 мыңы 4 балалы, 30,8 мыңы 3 балалы отбасылардан.
Халықтың кедейленуімен қатар, Қазақстан байлар санының өсуі бойынша әлемнің ТОП-10 елінің ішіне енген.
Оқи отырыңыздар: Forbes тізімі тағы үш қазақстандықпен толықты
Байланысты жаналықтар
MalimBlocks
