Ресей депутаты: Қазақстан үшін күрес жүріп жатыр

Malim Админ

  • 14.04.2021

Ресей депутаты тағы да Қазақстанға қатысты мәлімдеме жасады.

Ресей мемлекеттік думасының депутаты Елена Панина «Sputnik» радиосының эфирінде Қазақстанға қатысты мәлімдеме жасады. Онда ол АҚШ Ресейді қоршауға алып, көршілес мемлекеттерді Мәскеумен жауластыру жоспарын жүзеге асырып жатқанын айтты.

«Байденнің доктринасын жүзеге асыру жалғасуда. Онда Ресей - нөмірі бірінші жау. Ал Қытай - нөмірі бірінші бәсекелес. Біздің еліміздің маңайында болып жатқан дүниелердің барлығы осы доктринаның аясында болып жатыр. Оның мақсаты – Ресейді достық пейілдегі емес елдермен қоршау. Біз оны Анаконданың шеңбері деп атаймыз», - деді Панина.

Елена Панинаның сөзінше, қазір Ақ үйдің күн тәртібінде бірінші кезекте Беларусь тұр. Ал Қазақстан үшін күрес жүріп жатыр.

«Менің ойымша, қазір АҚШ-тың күн тәртібінде бірінші кезекте Беларусь тұр. Олар түрлі-түсті революция жасап, билікке Украинадағыдай қуыршақ үкіметті әкелмек... Сосын, әрине Қазақстан. Қазір Қазақстан үшін талас жүріп жатыр», - деді депутат.

Бұған дейін ресейлік сенатор Алексей Пушков "АҚШ Ресейден Қазақстанды тартып алмақ" деп мәлімдеген. Ол да алдағы уақытта Қазақстан, Өзбекстан, Беларусь, Армения АҚШ-тың бақылауында болатынын айтқан.

Соңғы уақыттары Ресей депутаттары Қазақстанға қаратысты мәлімдемелер жасауын жиілеткен. Осыдан бірнеше күн бұрын Дума депутаты Владимир Жириновский Павлодардағы 30 көшенің атын қазақшалауға қарсы шығып, «Қазақстан, 300 жыл бұрын қайда болдыңдар?» деген.

Ресей депутаттарының Қазақстанға қатысты арандатушы сарындағы мәлімдеме жасауы бұл ғана емес. Былтыр желтоқсанда мемлекеттік думаның  білім және ғылым комитетінің төрағасы Вячеслав Никонов Ресейдің федералды бірінші арнасында “Қазақстан территориясы – Ресей мен Совет одағының берген үлкен сыйлығы”  деп мәлімдеді.  Бұл мәлімдемеден кейін  еліміздің сыртқы істер министрлігі Ресейдің уақытша сенімді өкіліне нота табыстады.

Артынша  думаның тағы бір депутаты Евгений Федоров бұл пікірді қолдап, “Ресей Қазақстаннан территорияны қайтаруды талап етуі керек” деді.  Бұл мәлімдемеге 9 күннен кейін реакция білдірген Қазақстанның сыртқы істер министрі Мұхтар Тілеуберді Дума депутаты Евгений Федоровтың даулы мәлімдемелерін “қысыр сиырдың сандырағы” деп атаған.

 

Байланысты жаналықтар

«Ресейдегі теракт»: ІІМ Қазақстанның сауда орталықтары тексерілетінін айтты

28.03.2024

ТЖМ елімізде су басқан елді мекендерден 412 адам эвакуацияланғанын мәлімдеді

27.03.2024

Мәскеудегі теракт салдарынан 140 адам қайтыс болды

27.03.2024

Коммуналдық қызмет бағасы өсті

27.03.2024

Мәскеудегі теракт: Қырғызстан тумасы күдікке ілінді

26.03.2024

Қазақстанда қай қала тұрғындары жиі ажырасады?

26.03.2024
MalimBlocks
«Ресейдегі теракт»: ІІМ Қазақстанның сауда орталықтары тексерілетінін айтты

Ішкі істер министрінің орынбасары Игорь Лепеха Мәскеу түбіндегі Crocus City Hall концерт залында болған терактіден кейін еліміздегі адам көп жиналатын орындар жоспарлы түрде тексерулерден өтетінін айтты, деп хабарлайды Malim.kz.

ТЖМ елімізде су басқан елді мекендерден 412 адам эвакуацияланғанын мәлімдеді

Ақтөбе, Атырау облыстарындағы 46 аула аумағынан су сору жұмыстары жүргізіліп жатыр, деп хабарлайды Malim.kz.

Мәскеудегі теракт салдарынан 140 адам қайтыс болды

Мәскеудегі «Крокус Сити Холлда» болған лаңкестік әрекет салдарынан зардап шеккендар арасынан 1 адам қайтыс болды, деп хабарлайды Malim.kz.

Коммуналдық қызмет бағасы өсті

2024 жылғы ақпан айының соңында Қазақстанда ақылы қызметтер жылына 12,8%-ға қымбаттаған, деп хабарлайды Malim.kz.

Мәскеудегі теракт: Қырғызстан тумасы күдікке ілінді

Қазақстанда қай қала тұрғындары жиі ажырасады?

Алматы бірінші орында: 2023 жылы – 2,3 мың жұп ажырасқан.