Шымкент қаласы әкімдігінің хабарлауынша шаһардағы білім сапасын арттыру, болашақ ұрпаққа сапалы білім мен тәрбие беру ісіне кәсіпкерлер де білек сыбанып кірісе бастаған.
Жалпы, Шымкент қаласында 526 балабақша бар. Қазіргі таңда 2 871 кезекші топта 41 199 бала тәрбиеленуде. Демографиялық өсімге сәйкес қалада жаңа балабақшалар ашу қажеттілігі бар. Осыған орай, биыл жеке кәсіпкерлер есебінен 1600 орындық 14 балабақша ашылмақ.
Сондай-ақ, қаңтар айынан бастап жан басына қаржыландыру құны әр балаға 37 527 теңге болып белгіленіп, қосымша қаржы қаралыпты. Өткен жылы бұл сома 28 350 теңге болған.
Сонымен қатар, жан басына қаржыландыру жүйесімен бюджет қаражатын жинақтау, әлсіз балабақшаларды сапалы балабақшаларға теңестіруде балабақшаларды біріктіру арқылы класстерлер құрылмақ екен.
