Бішкек қаласы әкімінің міндетін атқарушы Бактыбек Кудайбергенов 22 маусымда "Бірінші радиоға" берген сұқбатында Өзбекстаннан шығарылған 50 автобус келгенін хабарлады.
Оның мәліметіне қарағанда, автобустар 22 маусымнан 1 шілдеге дейін жолаушыларды тегін тасиды.
Қырғыз үкіметі Өзбекстанның "Самарқанд-авто" зауытымен ISUZU маркасындағы 350 автобусты сатып алу бойынша келісімге келген. Автобустардың екінші партиясы қазан айына дейін келеді.
ISUZU сайтында бір автобустың бағасы 33 мың АҚШ доллары екені жазылған.
