Ресей Ауғанстанның Хайратон қаласында уақытша жұмыс істеп тұрған Мазари-Шарифтегі консулдық дипломаттарын Өзбекстанға көшірді. Бұл жөнінде «Интерфакс» ақпарат агенттігі хабарлады.
Ресейдің Кабулдағы елшісі Дмитрий Жирновтың сөзінше, Мазари-Шарифтегі бас консулдық уақытша жабылған. Себебі қала мен оның маңайындағы аудандардағы жағдай тыныш емес. Осы уақытқа дейін дипломаттар азаматтарды Хайратон қаласында қабылдап жатқан.
Ресей елшісінің айтуынша, «Талибан» қозғалысы Ауғанстанның бірқатар аумағын басып алғанымен бірде-бір ірі қала содырлардың бақылауына өтпеген. Мазари-Шариф те қазір олардың қарамағында емес.
Бұған дейін «Талибан» қозғалысы шілденің 9-ы күні Мәскеу қаласында баспасөз мәслихатын өткізіп, Орталық Азия елдерінің шекарасына тиіспейтінін айтқан.
АҚШ Ауғанстаннан әскерін шілденің 31-іне дейін шығарып аяқтайтынын мәлімдеген. Осыдан кейін аймақта террорлық қауіп мәселесі қайтадан күн тәртібіне көтерілген. Қазірдің өзінде Ауғанстаннан АҚШ пен НАТО әскеріне көмектескен жергілікті тұрғындар көшілес Өзбекстан, Тәжікстанға қашуда. Бұған дейін БАҚ-та АҚШ-тың Қазақстан, Өзбекстан, Тәжікстаннан 9 мың ауған азаматын уақытша қабылдауын сұрағандығы жөнінде ақпарат тарған.
MalimBlocks
