Байбектің заңгері: Жауапкерлердің сот шешімін толық орындауына қол жеткіземін

«Жауапкерлердің соттан кейін қоғамдық кеңістікте жүзеге асырып жатқан деструктивті, жеке адамға ғана емес, бүкіл қоғам мен мемлекетке зиян келтіретін теріс пиғылды әрекеттері олардың демократия және заң үстемдігі туралы жария мәлімдемелері «бір тиынға» татымайтынын көрсетеді. Сотта жария түрде және ойсырай жеңілген Ж.Мамай мен И.Иманбаева сот шешімі олар үшін түкке тұрмайтынын және оны орындамайтынын бірден мәлімдеді», - дейді ол.

Заңгердің айтуынша, Ж.Мамай мен оның жары әлі күнге дейін негізсіз жала жабуын тоқтатар емес. Алайда, заңға сәйкес жауап беретін кез келгенде олар құқық аясындағы әрекеттерді бірден «сөз бостандығын және демократияны бұзу» деп бағалайтын көрінеді.

«Бұл – осы жұптың цинизмінің, принципсіздігінің және қос стандартты ұстанатынының айдан анық дәлелі.Шын мәнінде, бұлар үшін сөз бостандығы мен жеке бастың қадір-қасиеті – құны бақыр тиынға татымайтын бос сөздер. Заңның үстемдігі – кез-келген заманауи демократиялық мемлекеттің негізгі қағидасы. Ол барлық азаматтар тарапынан мүлтіксіз сақталуы тиіс», - деп қосты маман.

Айжан Ташенованың пікірінше, Ж.Мамай мен И.Иманбаева үшін заңдар мен сот шешімдері қарапайым формальдылық қана.

«Яғни «қаласам – орындаймын, қаламасам – орындамаймын» қағидасын ұстанатынын ашық айтқаны. Олар Қазақстан Республикасының азаматы бола тұра, үйінде, ошақ қасында отырып «өздері үшін» жазып алған конституциямен ғана өмір сүре аламыз деп ойлайды. Олардың деструктивті әрекеттеріне сүйенсек, қандай «құқықтық мемлекет» құрғысы келетінін нақты болжауға болады. Сондықтан да, заңгер және азамат ретінде, қабылданып жатқан шаралар туралы ашық хабарлай отырып жауапкерлердің сот шешімін заңда белгіленген мерзімде толық орындауына барлық заңды тәсілдер арқылы міндетті түрде қол жеткізетін боламыз», - деді заңгер.

Еске сала кетейік, аталған іс бойынша апелляциялық шағымды қарау бойынша сот алқасының отырысы 2021 жылжың 16 тамызында сағат online-форматта өтеді.