Елордалықтар газдың келуіне қуанып отыр

  • 12.10.2021

Астанада қаланы газдандыру бойынша ауқымды жұмыстар жалғасуда. Екі жыл ішінде елордада 645 шақырымнан астам кварталішілік газбен жабдықтау желілері салынды. "Көктал-1", "Көктал-2", "Железнодорожный", "Агроқалашық" тұрғын алаптарының тұрғындары газға қосылуға мүмкіндік алды. Осы күзде Оңтүстік-Шығыс, Промышленный, Агрогородок (қосылмаған бөлік) елді мекендерінің тұрғындары газға қосылу мүмкіндігін алады.

Сондай – ақ, "ҚазТрансГаз Аймақ" АҚ Күйгенжар, Мичурино, Интернациональный елді мекендерінде газбен жабдықтау желілерінің құрылысын жүргізуде - жыл соңына дейін газбен қамтамасыз ету жоспарлануда. "Қазақауыл" (Қараөткел) шағын ауданы бойынша жобалау-сметалық құжаттама әзірленуде. Қаланы толық газдандыру 2023 жылы аяқталады.

 Тұрғын үй алаптарының тұрғындары үйді газға ауыстырудың артықшылықтары туралы айтты. Заманбек Әлкейұлы өткен жылы Көктал-2 елді мекеніне көшіп келіп, бірден үйді пешпен жылытудан газға көшіруді ұйғарған. 

 «Біз өткен жылы желтоқсанда көшіп келдік. Содан бері газды қолданамыз. Бұл өте ыңғайлы, әсіресе біз үшін – аға буын адамдар. Біздің отбасымыз, балаларымыз үшін де экологиялық таза. Денсаулыққа пайдалы. Барлықтарыңызды газға ауысуға шақырамын. Ауа таза болады», - деді Заманбек Әлкейұлы.

 «Мен балабақшада тәрбиеші болып жұмыс істеймін. Мен өзім сол ауданда, жеке үйде тұрамын. Өткен жылдың желтоқсанынан бастап біз газ жүргіздік. Бізге өте ұнайды. Жылы, өте ыңғайлы. Енді біздің балабақшаны да газға көшіру жоспарлануда. Бұл бәріміз үшін қуанышты оқиға», - деді Айсұлу Аусарова. 

 «Үйіміз жылы, таза болу үшін бізге газ құбырын жүргізеді. Бізге кез-келген жағдайда көмектеседі, тіпті құжаттарға байланысты мәселе болса да көмектесіп, кеңес береді. Сізге кез келген уақытта кранды қосуға болады, сонда сіздің үйіңіз жылы, құрғақ және таза болады», - деді Светлана Свобода.

 Газдандыру — Елбасының ауқымды жобасы. Жоба қала тұрғындарының өмір сүру сапасын арттырып, қала экологиясын айтарлықтай жақсартуға мүмкіндік береді. 

 Қаланы газдандыру мәселесі мемлекет басшысының бақылауында.

 

Байланысты жаналықтар

«Қазір кәсіпкерлер волонтерларды өздері іздейді»

17.07.2020

Баланы ұрған тәрбиеші жауапқа тартылмайтын болды

29.09.2020

Ресейлік вакцина сынағына қатысқандар вирус жұқтырды

28.10.2020

Жергілікті бюджеттің бүйірін шағын кәсіп толтырмақ

19.02.2020

Нұр-Сұлтан жабық қалаға айнала ма?

17.03.2020

Зиян ішімдік пайдалы спиртке айналмақ

21.07.2020
MalimBlocks
«Қазір кәсіпкерлер волонтерларды өздері іздейді»

Баланы ұрған тәрбиеші жауапқа тартылмайтын болды

Ресейлік вакцина сынағына қатысқандар вирус жұқтырды

Жергілікті бюджеттің бүйірін шағын кәсіп толтырмақ

Нұр-Сұлтан жабық қалаға айнала ма?

Зиян ішімдік пайдалы спиртке айналмақ