Партия құрғысы келіп, билікпен алысып жүрген Жанболат Мамай қылмыстық тергеуге тартылғанын, сондықтан бүгін қамалуы мүмкін екенін кеше кешкісін жазған еді.
«Соңғы күндері 10-шақты көліктің артымнан ілесіп жүргеніне, үйімді толық қоршауға алғанына қарағанда, ертең алаңға шығармас үшін қамауға алуы да мүмкін деп күдіктенемін.
«Жанболат Мамай неге қамалмайды?» деген кейбір азаматтар: соңғы күндері бұл менің үстімнен қозғалған екінші қылмыстық іс. Біріншісі жеңілдеу баппен қозғалса, қазіргі айыппен 3 жылға дейін қамалуым не бостандығым шектелуі мүмкін.
Демократиялық партияға, жеке маған қысым осылайша күшейді. Билік барын салып, біздің аузымызды жауып, түрмеге қамау туралы шешім қабылдағанға ұқсайды» деген болатын кешегі хабарламасында.
Бүгін шақырған жеріне барған саясаткер сағын сындырмай қайтыпты.
«Барша қолдаған ағайынға рақмет! Алматы полиция департаментінен шықтым. 5 сағатқа жуық тергеуде болдым. Қылмыстық іс қозғап, сағымды сындырып, қорқытпақ билік. Бірақ одан түк шықпайды! Несиелік амнистия барша халыққа жариялану керек деп санаймыз! Ертең, 16 желтоқсанда сағат 12-00 Алматыдағы Желтоқсан ескерткішіне шығамыз! Бәріміз сонда болайық!» деп жазды әлеуметтік парақшасына.
Байланысты жаналықтар
MalimBlocks
