Қызылорда қаласының әкімі Нұрлыбек НӘЛІБАЕВ адам көп шоғырланатын жерлерді медициналық бетпердесіз аралап, тұрғындармен кездесіп жүр. Маскасыз әкімнің фотосы қалалық әкімдіктің фейсбуктегі парақшасында жарияланды.
Елімізде төтенше жағдай басталып жатқанда Жамбыл облысының әкімі Бердібек САПАРБАЕВ дәріханадан бетперде сатып алып жатқан суретін жариялап пиар жасаған еді. Әкімдер жарнамалағасын ба, әйтеуір елде масканың тапшылығы басталып, жұрт қатты дүрлігіп кетті.
Ал осындай сәтте Қызылорда қаласын 7 жылданбері басқарып келе жатқан Сапарбаевтың інісі Нұрлыбек МӘШБЕКҰЛЫ тұрғындармен бетпердесіз тілдесіп, жәйбарақат жүр. Әлде әкімге де бетперде тапшылығы әсер етті ме екен? Бірақ жарияланған суреттердегі шендінің жанындағы ақ жағалылар маскаларын тастамай тағып жүргеніне қарап олай деу де қиын. Сонымен қоймай, «маскасыз әкім» бірнеше нысанды аралаған көрінеді. Тіпті адам көп шоғырланады деген жерлерге де барыпты.
Қызылордада маска кимейтін әкім тек Нәлібаев емес сияқты. Облыс басшысы Қуанышбек ЫСҚАҚОВ та біраз нысанды бетпердесіз аралап жүргенін әкімдік қызметкерлері желіде жарыса жариялап жатыр.
Бірақ оларға қарағанда Сыр елінің аудан әкімдері және басқа өңірлердің басшылары көпшілік алдында маскаларын мүлде шешпейтін болған.
Фотоларды автор ұсынды.
Абай НҰРЖАНҰЛЫ
Байланысты жаналықтар
MalimBlocks
Ағасы кетті, інісі келді, баласы «өсіп» келеді – Мәшбек әулеті
Бердібек Сапарбаев - Назарбаев дәуірінде қалыптасқан, әкім болудан рекорд жасаған шенеунік. Қазір зейнет жасында. Бүгін Жамбыл облысы әкімі қызметінен босатылды. Бірақ, ол құрған отбасылық династия рекордсмен әкімнің орнын жоқтатпайтын сияқты...
