Алматыда коронавирустан жазылған тағы екі адам ауруханадан шығарылды. «Екі ер адам бүгін ересек жұқпалы аурулар ауруханасынан шығарылды. 1962 жылы туған азамат 13 наурызда Берлин-Минск-Алматы чартерлік рейсімен келген болатын. Екіншісі - 1995 жылы туған жігіт 15 наурызда Сеул-Алматы рейсімен келді», - деді қалалық Қоғамдық денсаулық сақтау басқармасының басшысы Тілеухан Әбілдаев. Қазіргі таңда мегаполистен бес науқас сауығып шықты. Енді олар медицина қызметкерлерінің бақылауында үйде 14 күндік карантинде болады.
